حیدرآباد: نرمل ضلع میں شدید بارشوں کے نتیجے میں Kadem Projectمیں پانی کی بھاری آمد ہوئی جس کے باعث آبپاشی عہدیداروں نے ہفتہ کے دن 17 گیٹس کھولتے ہوئے 1,10,849 کیوسیکس پانی نیچے کی سمت چھوڑا۔ پراجیکٹ لبریز ہونے کے سبب بڑی تعداد میں عوام اور سیاح تیز بہاؤ کے مناظر دیکھنے پہنچ گئے، تاہم پولیس نے مقام پر سخت سکیورٹی تعینات کردی۔
اسی دوران علاقے کے دیگر پراجیکٹس میں بھی سیلابی پانی داخل ہوا۔ بھینسہ کے گڈے انّا واگو پراجیکٹ میں دو گیٹس کھول کر 4,571 کیوسیکس پانی خارج کیا گیا جبکہ اس میں 6,484 کیوسیکس پانی کی آمد ہورہی تھی۔ اسی طرح سورنا پراجیکٹ میں سطح بڑھنے پر تین گیٹس کھولے گئے اور 14,000 کیوسیکس پانی چھوڑا گیا۔
ادھر موسمی بارشوں کے سبب پوچرا آبشار بھی زور دار بہاؤ کے ساتھ اُمڈ پڑا جس نے بڑی تعداد میں سیاحوں کو اپنی طرف کھینچ لیا۔ عہدیداروں نے نشیبی علاقوں کے مکینوں اور سیاحوں کو محتاط رہنے کی تاکید کی کیونکہ مختلف پراجیکٹس سے پانی کے اخراج کا سلسلہ جاری ہے۔
About the Author
