حیدرآباد: بی آر ایس کے کارگزار صدر کے ٹی راما راؤ نے بدھ کو وزیر اعلیٰ اے۔ ریونت ریڈی پر شدید تنقید کرتے ہوئے الزام لگایا کہ 27 اربن لوکل باڈیز کو جی ایچ ایم سی میں ضم کرنے کا فیصلہ ’’خفیہ رئیل اسٹیٹ ایجنڈا‘‘ کی نشاندہی کرتا ہے۔ ان کے مطابق یہ اقدام نہ شفاف تھا اور نہ ہی جمہوری طریقۂ کار کے مطابق۔
انہوں نے کہا کہ حکومت نے متعلقہ اربن باڈیز میں کوئی قرارداد منظور نہیں کرائی اور نہ ہی ایم ایل ایز، عوامی نمائندوں یا کسی ہمہ جماعتی میٹنگ سے مشورہ کیا۔
کے ٹی آر نے وارنگل میں پریس کانفرنس کے دوران الزام لگایا کہ یہ فیصلہ چند مخصوص افراد کے مفاد میں کیا گیا ہے۔ انہوں نے سوال اٹھایا:
’’اسمبلی میں بحث نہیں ہوئی، اسٹیک ہولڈرز سے رائے نہیں لی گئی،اس انضمام کی درخواست آخر کس نے کی؟‘‘
کے ایم ٹی پی میں سست پیش رفت پر تنقید | Merger Move
اس سے پہلے کے ٹی آر نے ورنگل میں کاکتیہ میگا ٹیکسٹائل پارک (KMTP) کا دورہ کیا۔ انہوں نے کہا کہ پارک میں 30 ہزار سے زیادہ براہِ راست ملازمتیں پیدا ہوئیں اور سنگاپور کی ینگ ون کارپوریشن، کٹیکس گروپ اور گنیشا ایکو اسفیئر جیسی بڑی کمپنیوں نے یہاں سرمایہ کاری کی ہے۔
تاہم انہوں نے الزام لگایا کہ کانگریس حکومت پارک کی موجودہ سہولتوں کو بروئے کار لانے میں ناکام رہی ہے اور سست رفتاری ترقی کے عمل کو متاثر کر رہی ہے۔
کے ٹی آر کا کہنا تھا کہ نئے صنعتی مراکز کے وعدوں کے باوجود موجودہ انفراسٹرکچر پوری صلاحیت سے استعمال نہیں ہو رہا، جس سے عوامی مفاد کو نقصان پہنچ رہا ہے۔
✳️ వరంగల్, హన్మకొండ జిల్లాల ముఖ్య నాయకులు, కార్యకర్తలతో బీఆర్ఎస్ వర్కింగ్ ప్రెసిడెంట్ @KTRBRS సమావేశం
✳️ నవంబర్ 29 దీక్షా దివస్ కార్యక్రమంపై సన్నాహక సమావేశం
✳️ బీఆర్ఎస్ శ్రేణులకు కేటీఆర్ దిశా నిర్దేశం
✳️ భారత రాజ్యాంగ దినోత్సవం సందర్భంగా రాజ్యాంగ నిర్మాత అంబేద్కర్ చిత్రపటానికి… pic.twitter.com/ipZWCJOBAx
— BRS Party (@BRSparty) November 26, 2025
