حیدرآباد ۔ چیف منسٹر اے ریونت ریڈی نے پیر کے روز الزام لگایا کہ مرکز کی نئی جی ایس ٹی اصلاحات کے نتیجے میں تلنگانہ کو تقریباً 7,000 کروڑ روپئے کا نقصان Revenue Loss ہوا ہے۔ انہوں نے مطالبہ کیا کہ مرکزی حکومت ریاست کے نقصان کی بھرپائی کرے اور آئندہ پانچ برس تک وائیبلٹی گیپ فنڈ فراہم کرے۔
ریونت ریڈی نے کہا کہ جی ایس ٹی پر یکطرفہ فیصلے ناقابل قبول ہیں۔ ان کے مطابق جی ایس ٹی ایکٹ کے آغاز پر مرکز نے ریاستوں کو خسارے کی تلافی کے لیے وائیبلٹی گیپ فنڈ دیا تھا اور اب بھی اسی نظام کو جاری رہنا چاہیے۔ بصورت دیگر ریاستیں مالیاتی عدم استحکام کی طرف دھکیل دی جائیں گی۔
چیف منسٹر نے مزید کہا کہ تلنگانہ نے اپنے مالیاتی منصوبے متوقع آمدنی کی بنیاد پر تیار کیے تھے لیکن اصلاحات نے ان حسابات کو متاثر کیا۔ ڈپٹی چیف منسٹر بھٹی وکرمارکا پہلے ہی جی ایس ٹی کونسل کو اس نقصان کی تفصیلی رپورٹ پیش کر چکے ہیں۔ ریونت ریڈی نے Revenue Loss کا ذکر کرتے ہوئے یونین منسٹر کشن ریڈی سے کہا کہ وہ دہلی میں ریاست کا مقدمہ مضبوطی سے رکھیں۔
سنگارینی ملازمین کے لیے بونس اور آئندہ حکمت عملی
ریونت ریڈی نے سنگارینی کالریز کے کارکنوں کے لیے دسہرہ بونس کا اعلان کرتے ہوئے کہا کہ کمپنی نے اس سال 6,394 کروڑ روپئے کی آمدنی حاصل کی۔ اس میں سے 4,034 کروڑ آئندہ سرمایہ کاری کے لیے مختص کیے گئے، جبکہ خالص منافع 2,360 کروڑ رہا۔ مستقل ملازمین میں 819 کروڑ بطور بونس تقسیم کیے جائیں گے اور کانٹریکٹ ملازمین کو اس سال 5,500 روپئے ملیں گے جو پچھلے سال سے 500 روپئے زیادہ ہیں۔
انہوں نے پچھلی حکومت پر الزام لگایا کہ اس کی غفلت کے باعث دو کوئلہ بلاکس نجی کمپنیوں کو منتقل ہو گئے۔ ریونت ریڈی نے وعدہ کیا کہ ان بلاکس کو دوبارہ سنگارینی کے حوالے کرانے کی کوشش کریں گے۔ ساتھ ہی انہوں نے متنبہ کیا کہ اگر نجی کمپنیوں کی بے قابو انٹری جاری رہی تو سنگارینی کے وجود کو خطرہ لاحق ہو سکتا ہے۔
چیف منسٹر نے مزدوروں کو ہر ممکن تعاون کا یقین دلایا اور کہا کہ سنگارینی کو منافع بخش راستے پر برقرار رکھنے کے لیے حکومت ٹھوس اقدامات کرے گی۔ انہوں نے دسہرہ کے ساتھ ساتھ دیوالی پر بھی بونس دینے کا اعلان کیا۔
About the Author
