حیدرآباد: وزیراعلیٰ ریونت ریڈی نے سکریٹریٹ میں Rajiv Gandhiکی برسی کے موقع پر انہیں گلہائے عقیدت پیش کیے۔ اس موقع پر پی سی سی صدر مہیش کمار گوڑ، وزیراعلیٰ کے مشیر ویم نریندر ریڈی، وزراء پونگولیٹی سرینواس ریڈی اور پونم پربھاکر، رکن پارلیمنٹ انیل کمار یادو، سابق ارکان پارلیمنٹ وی ہنومنت راؤ اور انجن کمار یادو، قانون ساز کونسل کے چیف وہپ پٹنم مہندر ریڈی، ارکان اسمبلی، قانون ساز کونسل کے ارکان اور کانگریس کارکنان موجود تھے۔
ریونت ریڈی نے کہا کہ راجیو گاندھی ہمیشہ ہندوستانی نوجوانوں کے لیے تحریک کا سرچشمہ رہیں گے۔ انہوں نے کہا کہ سابق وزیر اعظم نے قومی اتحاد کے تحفظ کی خاطر اپنی جان قربان کردی۔ ریونت کے مطابق راجیو گاندھی نے حکمرانی میں ٹیکنالوجی کو متعارف کرایا، 18 سالہ نوجوانوں کو ووٹ کا حق دیا، خواتین کے لیے مقامی اداروں میں ریزرویشن یقینی بنایا، کمپیوٹر متعارف کرائے اور ٹیلی کام انقلاب برپا کیا۔
وزیراعلیٰ نے کہا کہ راجیو گاندھی کے وژن نے حیدرآباد کے ہائی ٹیک سٹی کی بنیاد رکھی اور وہ خود بھی تلنگانہ کی سماجی و معاشی ترقی کو اسی جذبے کے ساتھ آگے بڑھائیں گے۔ انہوں نے بتایا کہ حکومت نے پہلے ہی بی سی طبقات کو 42 فیصد ریزرویشن اور ایس سی طبقات کی درجہ بندی پر عمل شروع کردیا ہے۔
ریونت ریڈی نے کہا کہ راجیو گاندھی نوجوانوں کے لیے ہمیشہ رہنما رہیں گے۔ انہوں نے مزید کہا کہ راہول گاندھی کو وزیر اعظم بننا چاہیے تاکہ قانون میں ترمیم کر کے 21 سالہ نوجوانوں کو اسمبلی انتخابات میں حصہ لینے کا موقع دیا جا سکے۔ ان کا کہنا تھا کہ یہ خواب صرف تبھی پورے ہوں گے جب راہول وزیر اعظم بنیں گے اور کانگریس اس مقصد کے حصول تک سکون سے نہیں بیٹھے گی۔
మాజీ ప్రధానమంత్రి స్వర్గీయ రాజీవ్ గాంధీ స్ఫూర్తితో రాష్ట్రాల శాసనసభలకు పోటీ చేసే వయో పరిమితిని 25 ఏళ్ల నుంచి 21 సంవత్సరాలకు తగ్గించేందుకు తమవంతు కృషి చేస్తామని ముఖ్యమంత్రి శ్రీ @revanth_anumula గారు చెప్పారు.
❇️దేశ భవిష్యత్తును నిర్ణయించే అధికారం యువత చేతుల్లో ఉండాలన్న… pic.twitter.com/jhralwImoY
— Telangana CMO (@TelanganaCMO) August 20, 2025
