حیدرآباد: ڈینگی کے خلاف بھارت کی پہلی مقامی Dengue Vaccineکی تیاری میں حیدرآباد ایک اہم مرکز کے طور پر ابھرا ہے، جہاں اے آئی آئی ایم ایس بیبی نگر (AIIMS Bibinagar) فیز III کلینیکل ٹرائلز کی قیادت کر رہا ہے۔
یہ ویکسین، جسے ‘DengiAll’ کے نام سے جانا جا رہا ہے، انڈین کونسل آف میڈیکل ریسرچ (ICMR) اور Panacea Biotec نے مشترکہ طور پر تیار کیا ہے۔ بی بی نگر میں اس تحقیق کی قیادت کمیونٹی میڈیسن ڈپارٹمنٹ کی ایڈیشنل پروفیسر ڈاکٹر رشمی کندپور کر رہی ہیں۔
ملک بھر کے 20 طبی مراکز پر جاری فائنل ٹیسٹنگ مرحلے میں 10,000 شرکاء کو شامل کرنے کا ہدف مقرر کیا گیا ہے، جس میں سے 70 فیصد سے زائد شرکاء کی شمولیت مکمل ہوچکی ہے۔ حتمی بھرتی کا عمل اکتوبر تک مکمل ہونے کی توقع ہے۔
یہ ویکسین ایک tetravalent فارمولہ پر مبنی ہے، جو ڈینگی کے چاروں اقسام — DENV-1، DENV-2، DENV-3 اور DENV-4 — کے خلاف تحفظ فراہم کرنے کے لیے ڈیزائن کی گئی ہے۔
اس فیز III آزمائش پر مجموعی طور پر 26 سے 30 کروڑ روپۓ لاگت آئے گی، اور یہ اقدام بھارت میں پہلی مقامی سنگل ڈوز ڈینگی ویکسین کے آغاز سے قبل کا آخری مرحلہ تصور کیا جا رہا ہے۔
بتایا گیا ہے کہ ویکسین کی بنیادی اسٹرین دراصل امریکہ کے نیشنل انسٹی ٹیوٹ آف ہیلتھ (NIH) نے تیار کی تھی، جسے ہندوستانی ماہرین نے مزید ترقی دی ہے۔
