Read in English  
       
Social Media Creators

حیدرآباد ۔ سٹی پولیس کمشنر وی سی سجنار نے کہا ہے کہ Social Media Creators کو محض لائکس اور شیئرز کے پیچھے بھاگنے کے بجائے بامعنی اور سماج کے لئے مفید مواد تیار کرنا چاہئے۔ ان کا کہنا تھا کہ مواد ایسا ہونا چاہئے جو عوامی تحفظ کو یقینی بنائے اور محض مزاح تک محدود نہ رہے۔

کمشنر نے کہا کہ سوشیل میڈیا پلیٹ فارمز کو خواتین کے تحفظ، انسداد منشیات مہم اور سائبر کرائم سے بچاؤ کے حوالے سے بیداری پیدا کرنے کیلئے استعمال کیا جانا چاہئے۔ ان کے مطابق ایسی پوسٹس اور ریلس ہونی چاہئیں جو زندگیاں بچا سکیں، نہ کہ صرف تفریح فراہم کریں۔

عوامی بیداری کیلئے پلیٹ فارم کا استعمال

سٹی پولیس کمشنر نے مزید کہا کہ ایک سادہ ویڈیو بھی اگر درست نیت سے بنایا جائے تو کل کسی کی جان بچا سکتا ہے۔ انہوں نے Social Media Creators سے زور دے کر کہا کہ مقبولیت کے بجائے سوشیل میڈیا کا اصل مقصد ایک محفوظ سماج تشکیل دینا ہونا چاہئے۔