حیدرآباد: اپل پولیس نے 29 August کو موسی ندی پارک کے قریب ایک خاتون کا سونے کا Chain Snatchingکے معاملے میں چار افراد کو گرفتار کرلیا۔ پولیس کے مطابق 42 سالہ پربینا، ساکن ناگول، پارک میں چہل قدمی کر رہی تھیں کہ ایک شخص نے دھمکاتے ہوئے ان کا 26 گرام سونے کا چین اور 4 گرام بالیاں چھین لیں۔ ملزم کی شناخت 29 سالہ گنی گانتی مہیش کے طور پر کی گئی جو ضلع سوریہ پیٹ کے گورنتلا گاؤں کا مکین اور بائیک مکینک ہے۔
دیگر ملزمان کی تفصیل
پولیس کے مطابق مہیش نے یہ واردات اپنے تین ساتھیوں کے ساتھ مل کر انجام دی۔ ان میں 25 سالہ ویرا بابو (پیشہ: رئیل اسٹیٹ ورکر، ساکن ماری پیڈہ، ضلع محبوب آباد)، 26 سالہ ونئے (پیشہ: آٹو ڈرائیور، ساکن چمپا پیٹ) اور 28 سالہ کونڈا ہریش (پیشہ: پرائیویٹ ملازم، ساکن سائی نگر، ناگول) شامل ہیں۔
کئی مقدمات میں ملوث
پولیس نے بتایا کہ مہیش کے خلاف پہلے سے ہی 51 مقدمات درج ہیں اور وہ پریوینٹیو ڈٹینشن ایکٹ کے تحت بھی بک کیا جاچکا ہے۔ مَلکا جگری اسپیشل آپریشن ٹیم اور سی سی ایس ٹیموں کی مدد سے اپل پولیس نے چاروں ملزمان کو گرفتار کرلیا۔ پولیس نے ان کے قبضے سے 30 گرام سونے کے زیورات، ایک موٹر سائیکل اور 4 موبائل فون برآمد کئے۔ عدالت نے بعد میں ملزمان کو ریمانڈ پر بھیج دیا۔
