حیدرآباد: محکمہ موسمیات (آئی ایم ڈی) نے پیشگوئی کی ہے کہ منگل اور بدھ کے روز تلنگانہ میں Heavy Rainfall کا امکان ظاہر کیا ہے کیونکہ شمال مغربی خلیج بنگال پر ہوا کے دباؤ کا علاقہ بن رہا ہے۔
عہدیداروں نے بتایا کہ یہ نظام اگلے 24 گھنٹوں میں مزید طاقتور ہوسکتا ہے جبکہ جنوب مغربی مانسون سرگرم ہے۔ اس کے نتیجے میں بھدرادری کوتہ گوڈم، جے شنکر بھوپال پلی، محبوب آباد، ملگُ اور ورنگل اضلاع میں شدید بارش کی توقع ہے۔ دیگر اضلاع میں گرج چمک کے ساتھ درمیانی درجے کی بارش اور 30 سے 40 کلومیٹر فی گھنٹہ کی رفتار سے ہوائیں چلنے کا امکان ہے۔
محکمہ موسمیات نے کہا کہ اگرچہ اگست کے وسط تک بارش کی سطح زیادہ رہی لیکن پچھلے پانچ دنوں میں بارش میں کمی آئی جس کے باعث ریاست میں درجہ حرارت بڑھنے لگا۔ 18 اگست تک تلنگانہ میں بارش اوسط سے 14 فیصد زیادہ ریکارڈ کی گئی تھی لیکن پیر تک یہ شرح کم ہوکر 9 فیصد خسارہ ہوگئی۔
ضلع وار اعداد و شمار کے مطابق نرمَل میں سب سے زیادہ 44 فیصد کمی درج ہوئی، اس کے بعد پیداپلّی میں 21 فیصد، جے شنکر بھوپال پلی اور نلگنڈہ میں 13 فیصد، نظام آباد میں 12 فیصد اور منچریال میں 10 فیصد کمی ریکارڈ کی گئی۔ سنگاریڈی میں 6 فیصد اور میڈچل۔ملکاجگری میں 4 فیصد خسارہ نوٹ کیا گیا۔
