حیدرآباد ۔ تلنگانہ کے وزیر انفارمیشن ٹیکنالوجی اور انڈسٹریز ڈوڈیلا سر یدھر بابو نے بدھ کے روز HCA Healthcare کے پہلے گلوبل کیپیبیلٹی سینٹر (جی سی سی) کا افتتاح کیا۔ یہ امریکی کمپنی 2025 تک اس مرکز میں 75 ملین امریکی ڈالر کی سرمایہ کاری کرے گی۔
یہ نیا جی سی سی 4,00,000 مربع فٹ پر محیط ہے۔ کمپنی نے اعلان کیا کہ 2024 میں 1,200 افراد کو ملازمت دی جائے گی جبکہ 2026 تک اس تعداد کو بڑھا کر 3,000 تک لے جایا جائے گا۔ ایچ سی اے ہیلتھ کیئر امریکہ اور برطانیہ میں 190 اسپتالوں اور 2,400 طبی مراکز کے ساتھ سالانہ 70 ارب ڈالر کی آمدنی رکھتی ہے اور دنیا بھر میں 3,16,000 ماہرین صحت کو روزگار فراہم کرتی ہے۔
حیدرآباد کا بڑھتا ہوا عالمی کردار
وزیر سری دھر بابو نے کہا کہ یہ مرکز اس اعتماد کی عکاسی کرتا ہے جو عالمی ہیلتھ کیئر ادارے تلنگانہ کے ماحولیاتی نظام پر رکھتے ہیں۔ ان کے مطابق یہ سرمایہ کاری نہ صرف ریاست میں تحقیق اور جدت کو فروغ دے گی بلکہ حیدرآباد کو عالمی آپریشنز کے ایک بڑے مرکز کے طور پر مزید مستحکم کرے گی۔
انہوں نے مزید کہا کہ حیدرآباد انفارمیشن ٹیکنالوجی، ہیلتھ کیئر، فارماسیوٹیکلز اور لائف سائنسز کا مرکز بن چکا ہے۔ شہر میں عالمی معیار کے اسپتال، 800 سے زائد فارما کمپنیاں اور متعدد گلوبل کیپیبیلٹی سینٹرز موجود ہیں۔ HCA Healthcare کا داخلہ اس بات کا ثبوت ہے کہ حیدرآباد اب ایک ایسی عالمی ہیلتھ کیئر اور لائف سائنسز راجدھانی کے طور پر ابھر رہا ہے جہاں معیار، اعتماد اور سستی لاگت یکجا ہیں۔
The inauguration of HCA Healthcare’s first Global Capability Centre in Hyderabad is a milestone that reflects the confidence that global healthcare leaders place in Telangana’s robust ecosystem. With an investment of USD 75 million, this centre will create 1,200 jobs this year… pic.twitter.com/gIp5QoLnzD
— Sridhar Babu Duddilla (@OffDSB) September 24, 2025
