حیدرآباد: تلنگانہ زرعی یونیورسٹی نے اعلان کیا کہ ایپسیٹ 2025 میں اعلیٰ 172 رینک حاصل کرنے والے امیدواروں کے داخلہ نہ لینے کی وجہ سے کاؤنسلنگ 173 رینک سے شروع کی جائے گی۔ یہ Agri University Counselingمنگل کے روز یونیورسٹی آڈیٹوریم میں منعقد ہوگی۔
یونیورسٹی حکام نے کہا کہ اگرچہ اعلیٰ رینک رکھنے والوں کو اپنی پسند کی نشستیں ملنے کا موقع تھا لیکن انہوں نے درخواست ہی نہیں دی۔ حکام کا خیال ہے کہ وہ نیٹ یا دیگر پروفیشنل کورسز کو ترجیح دے رہے ہیں۔
اس مرتبہ 11 ہزار سے زائد امیدواروں نے کاؤنسلنگ کے لیے درخواست دی ہے۔ رینکس کی بنیاد پر زرعی، باغبانی اور ویٹرنری کورسز میں نشستیں مختص کی جائیں گی۔
دوسری طرف، یونیورسٹی نے مغربی سڈنی یونیورسٹی (آسٹریلیا) کے ساتھ مشترکہ بی ایس سی ایگریکلچر ڈوئل ڈگری پروگرام کی کاؤنسلنگ کا آغاز کردیا ہے۔ پیر کو راجندر نگر میں رجسٹرار ودیا ساگر نے امیدوار اکشیا پریا کو پہلا الاٹمنٹ لیٹر دیا۔ اس پروگرام کے تحت طلبہ تین سال حیدرآباد میں اور آخری سال سڈنی میں تعلیم حاصل کریں گے۔
