حیدرآباد: جمعرات کے روز Laura Williams نے امریکی قونصل جنرل حیدرآباد کا عہدہ سنبھال لیا۔ وہ امریکی سینئر فارن سروس میں اپنے دور کے دوران سفارتکاری، ٹیکنالوجی اور جدت میں وسیع تجربہ رکھتی ہیں۔
لارا ولیمز نے کہا کہ وہ تلنگانہ، آندھرا پردیش اور اوڈیشہ میں امریکہ۔بھارت شراکت داری کو مزید مضبوط بنانے کیلئے پرعزم ہیں، خصوصاً باہمی تعاون کو گہرا کرنے اور عوام سے عوام کے تعلقات کو فروغ دینے پر توجہ دیں گی۔ ان کے بقول، میں ہمارے مضبوط تعاون کی بنیاد اور بڑھتے ہوئے عوامی روابط پر مزید تعمیر کرنے کیلئے پرعزم ہوں، جو ترقی اور مشترکہ خوشحالی کا محرک ہیں۔
لارا ولیمز نے حیدرآباد میں اپنے تقرر سے قبل امریکی محکمہ خارجہ میں ڈپٹی چیف انفارمیشن آفیسر برائے انٹرپرائز سروسز کے طور پر خدمات انجام دیں، جہاں وہ عالمی انفارمیشن ٹیکنالوجی پلیٹ فارمز کی نگرانی کرتی تھیں جو واشنگٹن میں موجود سفارتکاروں کو دنیا بھر میں امریکی سفارتخانوں سے جوڑتے ہیں۔
انہوں نے سبکدوش ہونے والی قونصل جنرل جینیفر لارسن کی خدمات کو بھی سراہا اور حیدرآباد میں ان کی قیادت اور کارکردگی کی تعریف کی۔
