حیدرآباد: شہر حیدرآباد کے علاقے مشیرآباد میں بدھ کی رات 18.3 سینٹی میٹر بارش ریکارڈ کی گئی جو اب تک کی سب سے زیادہ مقدار ہے۔ بھولک پور میں 15.8 سینٹی میٹر، سکندرآباد میں 14 سینٹی میٹر اور سری لنگم پلی میں 13.9 سینٹی میٹر بارش درج کی گئی۔ حکام کے مطابق شدید بارش کے نتیجے میں حیدرآباد کے کئی علاقے زیرآب آ گئے اور نشیبی علاقوں میں مکینوں کو سخت مشکلات کا سامنا کرنا پڑا۔
محکمہ موسمیات کی پیش گوئی
محکمہ موسمیات ہند نے بتایا کہ وسیع پیمانے پر بارشوں کی وجہ خلیج بنگال کے شمال مغرب میں بنا ہوا ڈپریشن ہے۔ IMD Rain Warning کے مطابق آج اور کل تلنگانہ کے کئی اضلاع میں شدید سے بہت شدید بارش کے امکانات ہیں۔
نظام آباد، نرمل، میدک، کاماریڈی اور سنگاریڈی میں سب سے زیادہ خطرہ ظاہر کیا گیا ہے۔ ورنگل، کھمم، نلگنڈہ اور کریم نگر میں بھی موسلادھار بارش متوقع ہے۔ اسی طرح حیدرآباد، رنگاریڈی اور محبوب نگر میں بھی نمایاں بارش ہونے کی پیش گوئی کی گئی ہے۔
حیدرآباد میں مزید بارش کی امید
حیدرآباد IMD Rain Warning جاری کرتے ہوئے بتایا کہ آج شہر کے مختلف علاقوں بشمول رنگاریڈی، میڑچل اور ملکاجگری میں مزید بارشیں ہوں گی۔ حکام نے عوام سے اپیل کی کہ وہ غیر ضروری طور پر گھروں سے باہر نہ نکلیں اور حفاظتی اقدامات پر عمل کریں۔
