حیدرآباد: تلنگانہ نان گزیٹیڈ آفیسرس TNGO Association کی رنگاریڈی ضلعی شاخ کے لیے نئی عبوری کمیٹی کا اعلان کیا گیا ہے۔
اسوسی ایشن کے ریاستی صدر مارم جگدیشور نے پیر کے روز کمیٹی کی تشکیل کا اعلان کرتے ہوئے ایس ایم حسینی مجیب کو عبوری کنوینر مقرر کیا۔ کستوری وینکٹیشورلو کو شریک کنوینر کی ذمہ داری دی گئی ہے۔
کمیٹی میں جن اراکین کو شامل کیا گیا ہے ان میں متیالا ستیہ نارائنا گوڑ، ایشور، یشونت، آر۔ رنگیّا، ایم۔ سرینواس راؤ، اے۔ مہندر، بی۔ مادھو گوڑ، محمد عظمت علی اور کے۔ وانی شامل ہیں۔
عبوری کنوینر ایس ایم حسینی مجیب نے کہا کہ آئندہ چھ ماہ کے اندر مکمل ضلعی کمیٹی تشکیل دی جائے گی۔ انہوں نے اس یقین کا اظہار کیا کہ نئی قیادت ملازمین کے مسائل کو ترجیحی بنیادوں پر اٹھائے گی اور تنظیمی ڈھانچے کو مضبوط کرے گی۔
