حیدرآباد: تلنگانہ کے نائب وزیراعلیٰ ملو بھٹی وکرمارکا نے کہا کہ ریاست کو سکّہ جاتی تحقیق اور ورثے کے مطالعے میں ملک کا رہنما بننے کی ضرورت ہے۔ وہ مری چنا ریڈی ہیومن ریسورس ڈیولپمنٹ انسٹیٹیوٹ میں منعقدہ دو روزہ قومی سیمینار “Coinage and Economy of Southern India” سے خطاب کر رہے تھے، جس کا اہتمام نیومس ماٹکس سوسائٹی آف انڈیا نے کیا۔
انہوں نے کہا کہ وزیر سیاحت و ایکسائز جوپلی کرشنا راؤ کی قیادت میں حکومت تلنگانہ کو سائنسی تحقیق اور تہذیبی علم کا مرکز بنانے کے لیے پرعزم ہے۔ ڈپٹی سی ایم نے نوجوان محققین پر زور دیا کہ وہ بین المضامین تحقیق اختیار کریں اور ادارہ جاتی تعاون بڑھائیں۔
جنوبی ہند کا سکّہ جاتی ورثہ نمایاں | Coin Heritage
بھٹی وکرمارکا نے ستواہن، اِکشواکوس، کاکتیہ اور وجیہ نگر سلطنت کے سکوں کا حوالہ دیتے ہوئے کہا کہ خطے کا سکّہ جاتی ورثہ نہایت قدیم اور مضبوط ہے۔ نائب وزیراعلیٰ نے کہا کہ سکے محض دھات نہیں بلکہ ریاستی نظم، تجارت اور تہذیبی تخلیق کے نشان ہوتے ہیں۔
انہوں نے کہا، ’ہر سکہ ایک مختصر دنیا ہے۔اقتصادی نظام، شاہی امنگیں، مذہبی تصورات اور تجارتی راستے سب اس میں محفوظ ہوتے ہیں۔‘
بھٹی وکرمارکا نے قدیم سکوں کو ’کمپریسڈ ڈیٹا‘ سے تشبیہ دیتے ہوئے ہلکے پھلکے انداز میں کہا کہ ’اگر قدیم دور میں ZIP فائلز دریافت ہوتیں تو ماہرین شاید انہیں ‘سکے’ ہی کہہ دیتے۔‘
سیمینار کی خصوصیت یہ رہی کہ تلنگانہ ہیریٹیج ڈپارٹمنٹ نے پہلی مرتبہ آرکیالوجی اینڈ میوزیمز ڈپارٹمنٹ کی 114 سالہ تاریخ میں سکّہ جاتی تحقیق پر قومی سیمینار کی میزبانی کی، جسے دونوں تلگو ریاستوں کے لیے اہم سنگِ میل قرار دیا گیا۔
کوٹی لنگالا دریافت نے نیا ربط قائم کیا | Coin Heritage
ڈپٹی سی ایم نے کوٹی لنگالا میں ملنے والی کسوہی سکے کی دریافت کا حوالہ دیا جس پر اجین نشان اور براہمی رسم الخط میں ستواہن حکمران کا نام درج ہے۔ انہوں نے کہا کہ یہ سکہ تلنگانہ میں ستواہن دور کی ابتدائی ترین موجودگی کا قوی ثبوت فراہم کرتا ہے۔
انہوں نے سیمینار کے اختتام پر امید ظاہر کی کہ مباحث مفید ثابت ہوں گے اور بین الجامعاتی تعاون کو مزید فروغ ملے گا۔ ان کے مطابق، “سکوں کا مطالعہ دھات کا نہیں، بلکہ ان کہانیوں اور خیالات کا مطالعہ ہے جو ان میں محفوظ ہوتے ہیں۔”
تقریب میں کئی اہم علمی مطبوعات جاری کی گئیں، جن میں Chanda: An Early Historic Site in Telangana، Art, Architecture and Iconography Salvaged from the Krishna–Tungabhadra Valley in Telangana، South Indian Fanams ۔اور 106واں این ایس آئی جرنل شامل ہیں۔
