حیدرآباد: تلنگانہ اینٹی کرپشن بیورو ACB نے سوریہ پیٹ ضلع میں ایک پنچایت سکریٹری کو 15 ہزار روپئے رشوت لیتے ہوئے رنگے ہاتھوں پکڑ لیا۔ یہ اہلکار، انجاموری وینکیا، پالی کیڈو منڈل کے جن پہاڈ گرام پنچایت میں ملازم ہے۔
اے سی بی کے مطابق وینکیا نے اندرماں ہاؤسنگ اسکیم کے ایک مستفید سے ابتدائی قسط جاری کرنے اور باقی اقساط کو آگے بڑھانے کے لیے پہلے 20 ہزار روپئے رشوت کا مطالبہ کیا تھا۔ بعد ازاں رقم گھٹانے کی درخواست پر اس نے 15 ہزار روپئے پر رضامندی ظاہر کی۔
شکایت موصول ہونے کے بعد تلنگانہ اے سی بی نے فوری کارروائی کرتے ہوئے مقدمہ درج کیا اور قانونی اقدامات شروع کر دیے۔ محکمے نے واضح کیا کہ بدعنوانی کے خلاف ہر سطح پر سخت کارروائی جاری رہے گی۔
عوام سے اپیل کی گئی ہے کہ اگر کوئی سرکاری ملازم رشوت طلب کرے تو فوری اطلاع دیں۔ شکایت کرنے کے لیے ٹول فری نمبر 1064 یا واٹس ایپ 9440446106 پر رابطہ کیا جا سکتا ہے۔ اس کے علاوہ فیس بک (Telangana ACB)، ایکس (@TelanganaACB) یا ویب سائٹ acb.telangana.gov.in کے ذریعے بھی اطلاع دی جا سکتی ہے۔
اے سی بی نے یقین دلایا ہے کہ شکایت کنندگان کے نام مکمل طور پر صیغہ راز میں رکھے جائیں گے۔
A case has been registered against Enjamuri Venkaiah, Panchayat Secretary, Janpahad Village in Palakeedu Mandal of Suryapet District, by Telangana #ACB Officials for demanding #bribe of Rs.20,000/- and accepting Rs.15,000/- (reduced on request) from the complainant as a reward… pic.twitter.com/loVD7vAkaQ
— ACB Telangana (@TelanganaACB) August 21, 2025
