حیدرآباد: محکمہ ٹرانسپورٹ نے آج سے گریٹر حیدرآباد کے حدود میں آنے والے تمام ریجنل ٹرانسپورٹ اتھارٹی (آر ٹی اے) دفاتر میں Sarathi Portal Services شروع کرنے کا اعلان کیا ہے۔ یہ پورٹل جو پہلے سے ضلع حیدرآباد میں فعال تھا، اب 7 اگست کو سارتهی تکنیکی ٹیم کی جانب سے میڈچل اور رنگا ریڈی اضلاع کا ڈیٹا جمع کرنے کے بعد ان اضلاع میں بھی لاگو کیا جا رہا ہے۔
عہدیداروں کے مطابق جمع کردہ ڈیٹا کی تصدیق کر کے اسے سارتهی نظام میں اپلوڈ کر دیا گیا ہے۔ اب سے گریٹر حیدرآباد کے موٹر سواروں کو آر ٹی اے خدمات کے لیے تلنگانہ پورٹل کے بجائے صرف Sarathi Portal Services کے ذریعے سلاٹ بک کرنا ہوگا۔
حکام نے اعتراف کیا کہ سارتهی نظام میں کئی تکنیکی خرابیاں آ رہی ہیں۔ اوسطاً یومیہ ڈرائیونگ لائسنس خدمات کے لیے درخواست دینے والے 100 افراد میں سے صرف 5 درخواستیں ہی سسٹم کی خرابی کے باعث منظور ہو رہی ہیں۔ موٹر سواروں نے مطالبہ کیا ہے کہ ان تکنیکی مسائل کو جلد حل کیا جائے تاکہ خدمات کو مزید ہموار اور آسان بنایا جا سکے۔
