حیدرآباد ۔ گریٹر حیدرآباد میونسپل کارپوریشن نے 2 اکتوبر کو اپنی حدود میں تمام Meat Shop بند رکھنے کا حکم جاری کیا ہے۔ یہ تاریخ گاندھی جینتی اور دسہرہ دونوں مواقع کے ساتھ منسلک ہے۔ حکام نے جی ایچ ایم سی ایکٹ 1955 کی دفعہ 533(بی) اور 24 ستمبر کو منعقدہ اسٹینڈنگ کمیٹی کی قرارداد نمبر 172 کی بنیاد پر یہ فیصلہ کیا۔
بلدیہ کے افسران نے عملے کو ہدایت دی کہ وہ اس حکم پر عمل درآمد یقینی بنائیں اور کسی بھی دکان کو کھلنے نہ دیں۔ جی ایچ ایم سی کا کہنا ہے کہ اس اقدام کا مقصد گاندھی جینتی کے دن کی تقدیس کو برقرار رکھنا ہے۔
خریداروں میں برہمی
اس فیصلے پر خریداروں نے ناراضی کا اظہار کیا۔ ان کا کہنا تھا کہ یہ حکم ایک اہم تہوار کے موقع پر دیا گیا ہے جس سے انہیں شدید پریشانی ہوگی۔ کئی افراد نے کہا کہ دسہرہ کے دوران Meat Shop بند رہنے سے ان کے روزمرہ کے انتظامات متاثر ہوں گے۔
