حیدرآباد: Lingampallyمیں بدھ کی رات اس وقت کشیدگی پھیل گئی جب مقامی مارکیٹ کے قریب نالے میں ایک نامعلوم خاتون کی لاش برآمد ہوئی۔ مقامی افراد نے لاش کو دیکھ کر پولیس کو اطلاع دی جس پر چندا نگر پولیس موقع پر پہنچ گئی اور لاش کو باہر نکالا۔
پولیس کے مطابق خاتون کی شناخت فی الحال نہیں ہو سکی ہے۔ اس کے ہاتھ پر “نرسمّا” کا ٹیٹو پایا گیا۔ جائے وقوعہ سے ایک پرس برآمد ہوا جس میں سونے کے کان کی بالیاں، ایک کڑا اور ایک پرچی پر درج فون نمبر ملا۔
چندا نگر پولیس نے مقدمہ درج کرتے ہوئے لاش کو پوسٹ مارٹم کے لیے اسپتال منتقل کر دیا ہے۔ پولیس کا کہنا ہے کہ برآمد شدہ اشیاء کی جانچ کی جا رہی ہے تاکہ خاتون کی شناخت اور اس کی موت کے حالات کا پتہ چلایا جا سکے۔
