حیدرآباد: بھارت راشٹر سمیتی کے کارگزار صدر کے ٹی راما راؤ KTRنے جمعہ کے روز کانگریس حکومت پر سخت تنقید کرتے ہوئے کہا کہ کسانوں کو درپیش یوریا کی قلت حکمرانوں کی نااہلی کا نتیجہ ہے۔ انہوں نے الزام لگایا کہ ریاستی حکومت نے کسانوں کو مایوسی کے دہانے پر دھکیل دیا ہے اور ان کے زوال کا آغاز ہو چکا ہے۔
کے ٹی راما راؤ نے کہا کہ آج کسان آنسو بہا رہے ہیں کیونکہ اقتدار میں ایسے لیڈر بیٹھے ہیں جنہیں حکمرانی کا کوئی علم نہیں۔ انہوں نے مزید کہا کہ عوام اب موجودہ حکومت اور کے سی آر کی قیادت کے درمیان فرق بخوبی سمجھ چکے ہیں۔
انہوں نے الزام لگایا کہ کانگریس محض چھوٹی سیاست میں مصروف ہے اور کسانوں کی ضروریات کو نظر انداز کر رہی ہے۔ ان کے مطابق سابق وزیراعلیٰ کے چندر شیکھر راؤ کسانوں کے لیے سو سالہ وژن کی مجسم شکل ہیں۔
کے ٹی راما راؤ نے وضاحت کی کہ کے سی آر نے کسانوں کو یوریا کی قلت سے بچانے کے لیے منصوبہ بندی کے ساتھ بروقت اقدامات کیے تھے۔ اس سلسلے میں وہ زرعی عہدیداروں کے ساتھ مسلسل اجلاس منعقد کرتے، مرکزی حکومت کو پیشگی درخواستیں بھیجتے اور آندھرا پردیش کی بندرگاہوں پر ٹیمیں تعینات کرتے تاکہ یوریا کی آمد پر براہِ راست نظر رکھی جا سکے۔
انہوں نے مزید کہا کہ کے سی آر نے ساوتھ سنٹرل ریلوے سے خصوصی ٹرینوں کی درخواست کی تھی تاکہ یوریا تیزی سے منتقل کیا جا سکے۔ اس کے علاوہ پڑوسی ریاستوں کے ساتھ تال میل کرتے ہوئے ضرورت پڑنے پر 4,000 ٹرکوں کا انتظام بھی کیا گیا۔ یوریا کو براہِ راست بندرگاہ سے منڈل اور پھر دیہات تک پہنچایا جاتا تھا جس سے قلت کا کوئی سوال ہی پیدا نہیں ہوتا۔
کے ٹی راما راؤ نے کہا کہ اس نظام کی بدولت کسانوں کو ہمیشہ بروقت کھاد دستیاب رہی، لیکن موجودہ حکومت کی نااہلی اور منصوبہ بندی کی کمی نے بحران پیدا کر دیا ہے۔
ఇది కదా నాయకత్వం అంటే
ఇది కదా ముందు చూపు అంటే..!!నాడు సీఎం కేసీఆర్ గారి సారథ్యంలో..
యూరియాను టైంకు తెప్పించడానికి..
ముందస్తుగా ఎన్నెన్ని ప్రణాళికలు..
అడుగడుగునా ఎన్నిరకాల కసరత్తులు..✳️ వ్యవసాయ అధికారులతో కేసీఆర్ గారి వరుస సమీక్షలు
✳️ కేంద్రానికి సీజన్ కు ముందే లెక్కలతో సహా… pic.twitter.com/Yq0yfx1X59— KTR (@KTRBRS) August 22, 2025
