حیدرآباد: بھارت راشٹرا سمیتی (بی آر ایس) کے صدر اور سابق وزیراعلیٰ [en]KCR Hospitalised[/en] کے چندر شیکھر راؤ کو جمعرات کے روز شدید موسمی بخار کی شکایت کے بعد سوماجی گوڑہ میں واقع یشودہ اسپتال میں داخل کیا گیا۔
ذرائع کے مطابق، کے سی آر کی طبی نگرانی کے لیے ماہر ڈاکٹروں کی ایک ٹیم مختلف ٹیسٹ انجام دے رہی ہے تاکہ ان کی صحت کی حالت کا مکمل جائزہ لیا جا سکے۔ ان کے ساتھ اہلیہ شوبھا، سابق وزراء کے ٹی راما راؤ، ہریش راؤ اور سابق رکن پارلیمنٹ سنتوش بھی اسپتال پہنچے۔
یہ پہلا موقع نہیں ہے جب کے سی آر یشودہ اسپتال میں طبی جانچ کے لیے داخل ہوئے ہوں۔ ان کی صحت کے حوالے سے بی آر ایس کے کئی قائدین اور کارکنان نے تشویش کا اظہار کیا ہے، اور امکان ہے کہ مزید قائدین بھی اسپتال پہنچیں گے۔
ڈاکٹروں کی جانب سے جلد ہی باضابطہ ہیلتھ بلیٹن جاری کیے جانے کی توقع ہے۔
