حیدرآباد ۔ متحدہ کریم نگر ضلع کے سینئر کانگریس قائدین نے جمعہ کے روز ضلعی انچارج وزیر تمّلا ناگیشور راؤ کی صدارت میں اجلاس منعقد کیا جس میں آئندہ بلدی انتخابات کی حکمت عملی پر تفصیلی غور کیا گیا۔ Karimnagar Congress Meeting منسٹر کوارٹرز میں منعقد ہوئی۔
اس موقع پر وزراء پونم پربھاکر، دودڈیلا سریدھر بابو اور اڈلوری لکشمن کمار، ایم ایل سی ادنکی دیاکر، ارکان اسمبلی کوّام پلی ستیا نارائنا اور میڈی پلی ستیم، سابق وزیر جے گیتا ریڈی، کریم نگر پارلیمنٹ انچارج ویلیچلا راجندر راؤ، سرسلہ کانگریس انچارج کے کے مہندر ریڈی، حضورآباد کانگریس انچارج اوڈی تلا پرانَو، نریندر ریڈی اور دیگر اہم قائدین نے شرکت کی۔
امیدواروں کے انتخاب اور مہم کی منصوبہ بندی
اجلاس میں بلدی انتخابات میں اپنائی جانے والی حکمت عملی، امیدواروں کے انتخاب کے طریقۂ کار، حلقہ وار انچارجس کی ذمہ داریاں اور کامیابی حاصل کرنے کے لئے مخصوص منصوبوں پر تفصیلی تبادلۂ خیال کیا گیا۔ Karimnagar Congress Meeting میں اس بات پر زور دیا گیا کہ مربوط انتخابی مہم اور اجتماعی ذمہ داری کے ذریعے ضلع بھر میں کانگریس کی پوزیشن کو مضبوط بنایا جائے۔
