حیدرآباد: ڈائریکٹوریٹ آف ریونیو انٹیلی جنس (ڈی آر آئی) حیدرآباد یونٹ نے راجیو گاندھی انٹرنیشنل ایئرپورٹ پر ایک خاتون مسافر کے قبضے سے 13.3 کلو Hydroponic Ganja برآمد کر لیا جس کی مالیت تقریباً 13.3 کروڑ روپئے بتائی گئی ہے۔
عہدیداروں کے مطابق خاتون بانكاک سے پہنچی تھیں اور ان کے سامان کو شک کی بنیاد پر تفصیلی تلاشی کے لیے روکا گیا۔ جانچ کے دوران بیگ سے 20 پیکٹ برآمد ہوئے جن میں ممنوعہ مواد موجود تھا۔ فیلڈ ٹیسٹ کے بعد اس کی تصدیق ہوئی کہ یہ Hydroponic Ganja ہے۔
خاتون کے خلاف منشیات اور نفسیاتی مادوں سے متعلق قوانین (این ڈی پی ایس ایکٹ) کے تحت مقدمہ درج کر کے انہیں عدالتی تحویل میں بھیج دیا گیا۔ ڈی آر آئی کے مطابق معاملے کی مزید تحقیقات جاری ہیں تاکہ ملزمہ کے مقامی اور بین الاقوامی روابط کا پتہ چلایا جا سکے۔
