حیدرآباد ۔ نیکلیس روڈ پر پیپلز پلازا میں منعقدہ Nursery Mela اختتامِ ہفتہ شہریوں کے لیے ایک بڑی کشش ثابت ہوا، جہاں ملک بھر سے لائے گئے نایاب اور خوبصورت پودوں کی نمائش نے عوام کو اپنی جانب متوجہ کیا۔ حسین ساگر جھیل کے پس منظر میں سجایا گیا یہ میلہ غیر معمولی ہجوم کا مرکز رہا۔
منتظمین کے مطابق اسٹالز میں ان ڈور اور آؤٹ ڈور پودے، بونسائی، بیلیں، آبی کنول، غیر ملکی پھول، باغبانی کے اوزار، گملے اور اسٹینڈ شامل تھے۔ شائقین نے ادویاتی پودے، بیرونی پھلوں کی اقسام، آرائشی پودے اور ہائبرڈ پودوں کے نمونے بھی دیکھے۔ نمائش میں رودراکش، ہباسکس، تیز پات اور اربن فاریسٹری ماڈلز جیسی نایاب کلیکشن پیش کی گئی۔
آندھرا پردیش، کولکاتا، دہلی، ہریانہ، ممبئی، بنگلورو، پونے، شرڈی، کڈیام، چنئی اور مغربی بنگال سے باغبانی کے ماہرین اور نرسری کے مالکین نے شرکت کی۔ خاص طور پر مغربی بنگال کے کالیمنگ سے آئے ہوئے اسٹال پر غیر ملکی پودے پیش کیے گئے جو میلے کی سب سے بڑی کشش بنے۔
شہریوں کی بھرپور دلچسپی
Nursery Mela میں گھریلو خواتین، نوجوانوں اور پودوں کے شوقین افراد نے بڑی تعداد میں شرکت کی۔ خریدار اپنے گھروں اور بالکنی کے لیے پودے لینے میں مصروف نظر آئے۔ انچارج خالد احمد کے مطابق یہ نمائش پیر تک عوام کے لیے جاری رہے گی۔
