حیدرآباد: تلنگانہ کے چیف الیکٹورل آفیسر سی سدھارشن ریڈی نے جمعرات کے روز رنگا ریڈی ضلع کے راجندر نگر میں واقع [en]EVM Godown[/en] کا معائنہ کیا اور وہاں بیلٹ یونٹس اور پولنگ ساز و سامان کے اسٹوریج و سیکیورٹی انتظامات کا جائزہ لیا۔
ضلع کلکٹر سی نارائن ریڈی کے ہمراہ، چیف الیکشن آفیسر نے الیکٹرانک ووٹنگ مشینوں اور متعلقہ انتخابی مواد کے تحفظ کی صورتحال کا معائنہ کیا۔ عہدیداروں نے انہیں ای وی ایمز کی دیکھ بھال، ریکارڈنگ اور استعمال کے طریقہ کار سے واقف کرایا۔
سدرشن ریڈی نے حکام کو ہدایت دی کہ ای وی ایمز اور بیلٹ یونٹس کے ذخیرہ اور ہینڈلنگ میں سخت احتیاطی تدابیر اختیار کی جائیں تاکہ کسی قسم کی چوک یا تکنیکی خرابی سے بچا جا سکے۔
حکام نے سی ای او کو مطلع کیا کہ حلقہ بندی (Delimitation) کے بعد ضلع میں ممکنہ طور پر اسمبلی حلقوں کی تعداد میں اضافہ ہو سکتا ہے، جس کے پیش نظر مزید اسٹوریج اسپیس کی ضرورت محسوس کی جا رہی ہے۔
اس پر ضلع کلکٹر نے یقین دلایا کہ مستقبل کی ضروریات کے پیش نظر جلد ہی ایک نئی عمارت کی تعمیر کے اقدامات کیے جائیں گے۔
معائنہ کے دوران راجندر نگر کے آر ڈی او وینکٹ ریڈی، تحصیلدار، گودام انچارج بومّا رامولو اور دیگر عہدیدار موجود تھے۔
