حیدرآباد: کالوجی نارائن راؤ یونیورسٹی آف ہیلتھ سائنسز نے سی او پی (Children of Armed Personnel) کوٹہ COP quotaکے تحت ایم بی بی ایس اور بی ڈی ایس کورسز میں کنوینر کوٹہ کے لیے درخواست دینے والے امیدواروں کو ہدایت دی ہے کہ وہ 6 اور 7 اگست کو اسناد کی جانچ کے لیے حاضر ہوں۔
یونیورسٹی کی جانب سے پیر کے دن جاری کردہ اعلامیہ کے مطابق، امیدواروں کو اپنے والدین یا سرپرست کے ساتھ راج بھون روڈ پر واقع ڈائریکٹوریٹ آف سینیِک ویلفیئر آفس میں شخصی طور پر رپورٹ کرنا ہوگا۔
6 اگست کو وہ امیدوار جن کے نیٹ رینک 1 تا 1,25,000 کے درمیان ہیں، انہیں صبح 9 بجے رپورٹ کرنا ہوگا، جبکہ 1,25,001 تا 2,50,000 رینک والے امیدواروں کو دوپہر 12 بجے پہنچنا ہوگا۔
7 اگست کو رینک 2,50,001 سے آخری اہل رینک تک کے تمام امیدواروں کو صبح 9 بجے سے اسناد کی تصدیق کے لیے حاضر ہونا ہوگا۔
یونیورسٹی نے واضح کیا کہ صرف وہی امیدوار جو سی او پی کوٹہ کے تحت ایم بی بی ایس اور بی ڈی ایس کورسز میں کنوینر کوٹہ کے لیے درخواست دے چکے ہیں، انہیں مقررہ تاریخوں پر اسناد کی جانچ کے لیے حاضر ہونا لازمی ہے۔
