حیدرآباد: ریلائنس جیو نے اپنے صارفین کے لیے زبردست پیشکش کا اعلان کیا ہے جس کے تحت گوگل کے Gemini AI Pro پلان تک مفت رسائی فراہم کی جا رہی ہے۔ کمپنی نے ابتدا میں یہ سہولت صرف 18 سے 25 سال کی عمر کے صارفین کے لیے رکھی تھی، مگر اب یہ فائدہ 25 سال سے زائد عمر کے تمام جیو 5G صارفین کو بھی دستیاب ہوگا۔
مفت Gemini AI Pro پلان کی تفصیلات | Jio Gemini
اس پلان کے تحت جیو صارفین کو 35,100 روپئے مالیت کی Gemini AI Pro سبسکرپشن 18 ماہ تک مفت فراہم کی جائے گی۔ اس کے لیے صارف کے پاس فعال ان لِمٹڈ 5G پلان ہونا ضروری ہے، جس کی ماہانہ ریچارج رقم کم از کم 349 روپئے ہو۔
پلان میں Gemini 2.5 Pro ماڈل، 2GB کلاؤڈ اسٹوریج، اور تخلیقی AI ٹولز شامل ہیں۔ ان میں ویڈیو جنریٹر Veo 3.1 اور تصویر بنانے والا Nano Banana شامل ہیں۔ اس کے علاوہ NotebookLM، Gemini Code Assist، اور Gmail و Google Docs میں جیمنی فیچرز کی سہولت بھی حاصل ہوگی۔
پیشکش حاصل کرنے کا طریقہ | Jio Gemini
صارفین MyJio ایپ کھول کر ’Claim Now‘ بینر پر کلک کر کے یہ پیشکش حاصل کر سکتے ہیں۔ کچھ صارفین کو فی الحال ’Register Interest‘ کا آپشن نظر آرہا ہے۔ کمپنی نے وضاحت کی کہ یہ سہولت مرحلہ وار دی جا رہی ہے اور جلد ہی تمام 5G صارفین تک پہنچ جائے گی۔
ٹیک ماہرین کے مطابق، جیو کی یہ پیشکش مصنوعی ذہانت کے عام استعمال کو فروغ دینے میں اہم کردار ادا کرے گی، خاص طور پر نوجوان اور تخلیقی شعبوں میں کام کرنے والے صارفین کے لیے۔
