Hyderabad: Jadcherla town mein police ne ek spa aur massage centre ke naam par chal rahe prostitution racket ka parda faash kiya hai. Officers ke mutabiq, is illegal network mein doosre ilaqon se auratein laayi ja rahi thi jise “cross massage” aur sex work ke liye istemal kiya ja raha tha.
Circle Inspector Kamlakar ne bataya ke Mahabubnagar ke Ahmed Ali ko is case mein giraftaar karke judicial remand mein bheja gaya hai. Police ne investigation shuru kar di hai taake town ke doosre hisson mein bhi agar aise centres chal rahe hoon to un tak pohcha ja sake.
Jadcherla police ne sab spa aur lodges par khaas nazar rakhne ka faisla kiya hai taake aise anti-social activities ka rukh roka ja sake. CI Kamlakar ne kaha ke massage centres ke peeche prostitution ko kisi surat bardasht nahi kiya jaayega.
Unhon ne logon se appeal ki ke agar kisi bhi shakhs ya centre par illegal activity ka shaq ho to foran local police ko ittila dein. Police ne aise cases mein sakht action lene ka waada kiya hai.
