حیدرآباد: ریاست تلنگانہ میں کھیلوں کی ترقی کے لیے اعلیٰ سطحی نمائندہ وفد نے مرکزی وزیر برائے امور نوجوانان، کھیل و محنت ڈاکٹر منسکھ مانڈاویہ سے ملاقات کرتے ہوئے ریاست کی اہم کھیلوں سے متعلق تجاویز پر حمایت طلب کی ہے۔ وفد نے تلنگانہ میں اسپورٹس یونیورسٹی کے قیام اور [en]Telangana Sports[/en] کے لیے “کھیلو انڈیا 2026” کی میزبانی کی تجویز پر بھی زور دیا۔
اس ملاقات میں وزیر اعلیٰ ریونت ریڈی، چیف ایڈوائزر برائے اسپورٹس جتیندر ریڈی، اور رکن پارلیمنٹ و کنوینر ڈاکٹر ملو روی شامل تھے۔ گفتگو کا اہم محور ریاست کی اسپورٹس پالیسی کی جلد متوقع افتتاحی تقریب بھی رہی۔
عہدیداروں نے مرکزی وزیر کو اس تقریب میں شرکت کی دعوت دی اور ریاستی کھیلوں کی پالیسی کے اغراض و مقاصد سے آگاہ کیا۔
قائدین نے امید ظاہر کی کہ ان اقدامات سے تلنگانہ میں کھیلوں کا رجحان فروغ پائے گا اور مختلف شعبوں میں نوجوان کھلاڑیوں کے لیے نئے مواقع پیدا ہوں گے۔
Met Hon’ble Union Sports & Labour Minister Dr. @mansukhmandviya Ji along with CM Telangana Shri @revanth_anumula Garu, Sports Advisor Shri Jitender Reddy Garu & MP @DrMalluRavi1 Garu to discuss Sports Univ., Khelo India 2026 & invite for TS Sports Policy launch.#KheloIndia… pic.twitter.com/r2pjiT0Rgs
— Kiran Kumar Chamala (@kiran_chamala) July 7, 2025
