حیدرآباد: تلنگانہ کے نائب وزیر اعلیٰ بھٹی وکرامارکا ملو نے بدھ کے روز فرانسیسی قونصل جنرل مارک لمیتر اور ان کے ہمراہ آئے وفد سے ملاقات کے دوران کہا کہ ریاست تلنگانہ صنعتی قیام کے لیے ملک کی ایک نمایاں اور موزوں ریاست بن چکی ہے۔ انہوں نے کہا کہ یہاں کی بنیادی سہولیات، وسائل اور انفراسٹرکچر صنعتوں کے فروغ کے لیے بہترین ماحول فراہم کرتے ہیں۔
یہ ملاقات ڈاکٹر بی آر امبیڈکر سکریٹریٹ میں منعقد ہوئی، جس کا مقصد سرمایہ کاری کے مواقع تلاش کرنا اور دو طرفہ اشتراک پر غور کرنا تھا۔ نائب وزیر اعلیٰ نے فرانسیسی وفد پر زور دیا کہ وہ ریاست کی صنعتی صلاحیت، بنیادی ڈھانچے، ٹیکنالوجی، اور مینوفیکچرنگ امکانات کا تفصیلی جائزہ لیں۔
بھٹی وکرامارکا نے کہا کہ ریاست کی پالیسیوں کا مرکز عوامی بھلائی اور سرمایہ کار دوست ماحول ہے، جہاں صنعتی اداروں کو زمین، توانائی، افرادی قوت اور ٹرانسپورٹ جیسی سہولتیں یکساں فراہمی کے ساتھ دستیاب ہیں۔
ملاقات میں پرنسپل سکریٹری برائے فنانس سندیپ کمار سلطانیہ اور ٹرانسکو سی ایم ڈی کرشنا بھاسکر بھی موجود تھے۔ دونوں ممالک کے درمیان صنعتی اشتراک کی وسعت کے لیے اس نشست کو اہم قدم قرار دیا جا رہا ہے۔
فرانسیسی وفد نے بھی تلنگانہ کی صنعتی ترقی، پالیسیوں اور بنیادی ڈھانچے کی ستائش کی اور آئندہ ممکنہ سرمایہ کاری پر غور کا عندیہ دیا۔
Met with French Consul General Mr. Marc Lemaitre and his delegation at the Dr. B.R. Ambedkar Secretariat.
Discussed Telangana’s potential as a favorable destination for technology and industrial investments.
Looking forward to future collaborations. pic.twitter.com/xQB0L0jO0k— Bhatti Vikramarka Mallu (@Bhatti_Mallu) July 16, 2025
