حیدرآباد ۔ ہائیڈرا حکام نے ہفتہ کو کونڈاپور میں دوبارہ Demolition کارروائی شروع کی اور پولیس کی بھاری نفری کی موجودگی میں 36 ایکڑ اراضی پر تعمیرات کو منہدم کر دیا۔
عہدیداروں کے مطابق یہ زمین سروے نمبر 59 میں واقع ہے اور گزشتہ دو دہائیوں سے تنازع کا شکار ہے۔ حکام نے بتایا کہ 36 ایکڑ رقبہ 12 کسانوں کے قبضے میں تھا، لیکن اسے سرکاری اراضی قرار دیا گیا ہے۔ اس زمین کی اندازاً مالیت 3,600 کروڑ روپئے بتائی گئی ہے۔
مقامی افراد بڑی تعداد میں موقع پر پہنچے اور احتجاج کیا۔ ان کا کہنا تھا کہ یہ زمین ان کے قبضے میں گزشتہ 60 برسوں سے ہے۔ کئی افراد نے مایوسی کا اظہار کرتے ہوئے کہا کہ انہوں نے نسلوں تک اس زمین کی حفاظت کی، لیکن اب حکام نے اس پر ملکیت جتائی ہے۔
پولیس کا گھیراؤ اور سخت اقدامات
پولیس نے میڈیا اور مقامی لوگوں کو انہدامی مقام تک پہنچنے سے روک دیا اور دو کلومیٹر پہلے ہی راستے بند کر دیے۔ عہدیداروں نے واضح کیا کہ مزاحمت کے باوجود انہدامی کارروائی جاری رہے گی۔
کونڈاپور زمین تنازع تقریباً 25 برسوں سے جاری ہے اور اس دوران متعدد قانونی و انتظامی کارروائیاں ہو چکی ہیں۔ تازہ Demolitionکارروائی سے علاقے میں ایک بار پھر کشیدگی بڑھ گئی ہے۔
