حیدرآباد: اینام ڈیلی سے وابستہ صحافی دتہ ریڈی[en]Datta Reddy[/en] کا اتوار کی رات ورنگل میں حرکت قلب بند ہونے کے باعث انتقال ہو گیا۔ وہ سینے میں درد کی شکایت کے بعد ایم جی ایم اسپتال منتقل کیے گئے جہاں ڈاکٹروں نے انہیں مردہ قرار دیا۔
دتہ ریڈی کا تعلق ضلع کاماریڈی کے منڈل پٹلم کے موضع مدلچروا سے تھا۔ انہوں نے 2015 میں اینام اخبار میں شمولیت اختیار کی تھی اور حیدرآباد و نلگنڈہ میں خدمات انجام دینے کے بعد گزشتہ سال ستمبر میں انہیں ورنگل منتقل کیا گیا تھا۔
وہ مختلف عوامی و سماجی مسائل پر تحقیقی رپورٹس کی وجہ سے جانے جاتے تھے اور ایک مضبوط قاری حلقہ رکھتے تھے۔ ان کے انتقال پر صحافی برادری نے گہرے رنج و غم کا اظہار کیا ہے۔
دتہ ریڈی کے پسماندگان میں اہلیہ پریانکا اور چھ سالہ بیٹا شریانش شامل ہیں۔
