حیدرآباد: دونڈیگل حدود کے شمبھی پور علاقے میں رات دیر گئے پیش آئے ایک حادثے میں Drunk Drivingمیں تیز رفتار گاڑی بے قابو ہو کر ایک مکان کی دیوار سے جا ٹکرائی، جس کے نتیجے میں دو افراد زخمی ہو گئے۔
یہ حادثہ رات تقریباً 1 بجے پیش آیا، جب کار اچانک سڑک سے منحرف ہو کر سنٹرل ڈیوائیڈر سے ٹکرا گئی اور اچھل کر ایک قریبی مکان کی کمپاؤنڈ وال پر جا گری۔ مقامی افراد نے فوری طور پر ٹریفک پولیس کو اطلاع دی، جس نے جائے حادثہ پر پہنچ کر کرین کی مدد سے گاڑی کو ہٹایا۔
ابتدائی معلومات کے مطابق گاڑی کا ڈرائیور نشے کی حالت میں تھا اور ممکنہ طور پر ڈرائیونگ کے دوران نیند کا شکار ہو گیا تھا۔ کار میں سوار دونوں افراد کو چوٹیں آئیں۔
پولیس نے اس واقعہ پر مقدمہ درج کر کے تحقیقات کا آغاز کر دیا ہے۔
