حیدرآباد: تلنگانہ کے وزیراعلیٰ Revanth Reddyنے 79ویں یوم آزادی کے موقع پر آج صبح گولکنڈہ قلعہ میں قومی پرچم لہرایا۔ سرکاری تقریب کا آغاز صبح 10 بجے پولیس پریڈ سے ہوا، جس کے بعد پرچم کشائی انجام دی گئی۔ وزیراعلیٰ نے گارڈ آف آنر وصول کرنے کے بعد معززین اور شرکاء سے خطاب کیا۔ تقریب میں ریاستی وزراء، ارکان اسمبلی، سینئر سرکاری عہدیدار، طلبہ اور عوام کی بڑی تعداد شریک ہوئی۔
سیکیورٹی کی نگرانی ساؤتھ ویسٹ زون کے ڈپٹی کمشنر پولیس چندرموہن اور اسسٹنٹ کمشنر پولیس سید فیاض نے کی، جنہوں نے ہجوم کے نظم و ضبط اور حفاظتی انتظامات کی نگرانی کی۔
تقریب کے اگلے مرحلے میں وزیراعلیٰ 25 ممتاز افراد کو مختلف محکموں میں شاندار خدمات انجام دینے پر تمغے پیش کریں گے۔ ان شخصیات کو گزشتہ ایک سال میں اپنی متعلقہ ذمہ داریوں میں غیر معمولی کارکردگی کی بنیاد پر منتخب کیا گیا ہے۔ وزیراعلیٰ کی آمد سے قبل گولکنڈہ قلعہ میں سیکیورٹی مزید سخت کر دی گئی تھی، اور مہمانوں کے داخلے اور ٹریفک کی روانی کو یقینی بنایا گیا۔
سرکاری پروگرام کے دوران ریونت ریڈی کی جانب سے عوامِ تلنگانہ سے خطاب بھی متوقع ہے۔
LIVE: Hon’ble Chief Minister Sri A. Revanth Reddy participates in Independence Day celebrations at Golconda Fort, Hyderabad. https://t.co/Vvl4Q4L68f
— Telangana CMO (@TelanganaCMO) August 15, 2025
