حیدرآباد: کاٹے دھن علاقے میں جمعرات کی صبح ایک ربڑ فیکٹری میں شدید آگ [en]Katedan Fire[/en] بھڑک اٹھی، تاہم خوش قسمتی سے کوئی جانی نقصان نہیں ہوا۔
سرکاری ذرائع کے مطابق، مذکورہ یونٹ کار میٹس اور دیگر ربڑ مصنوعات کی تیاری میں مصروف تھا۔ فائر بریگیڈ کو اطلاع ملتے ہی قریبی اسٹیشنز سے عملہ موقع پر پہنچا اور فوری طور پر آگ بجھانے کی کارروائی شروع کر دی گئی۔
میلاردیو پلی پولیس اور ڈیزاسٹر ریسپانس فورس (ڈی آر ایف) کی ٹیمیں بھی جائے وقوعہ پر پہنچ گئیں۔ فیکٹری کی عمارت سے بھاری دھواں اٹھتا ہوا دیکھا گیا، جس پر حکام نے حفاظتی اقدامات کے طور پر علاقہ کو گھیرے میں لے لیا۔
آگ پر قابو پانے کی کوششیں کئی گھنٹوں تک جاری رہیں۔ واقعے کی اصل وجہ تاحال معلوم نہیں ہو سکی ہے۔
