حیدرآباد: تلنگانہ محکمہ تعلیم نے فوری طور پر Class 10 Examsسے داخلی نمبروں کو ختم کرنے کے منصوبے کو واپس لے لیا ہے اور اب یہ اصلاح 2025-26 تعلیمی سال سے نافذ کی جائے گی۔ منگل کے روز حکومت نے نئے احکامات جاری کیے جن کے تحت موجودہ 80:20 بیرونی و داخلی اسسمنٹ نظام ایک سال اور جاری رہے گا۔
گزشتہ ہفتے محکمہ تعلیم نے داخلی اسسمنٹ اور گریڈنگ سسٹم کو ختم کرنے کا اعلان کیا تھا اور ہر مضمون کے لیے 100 نمبروں کا بیرونی امتحان متعارف کرانے کا فیصلہ کیا تھا، جو موجودہ تعلیمی سال سے نافذ ہونا تھا۔ تاہم طلبہ اور والدین کے اعتراضات کے بعد یہ فیصلہ ایک ہی دن میں مؤخر کر دیا گیا۔
موجودہ نظام کے تحت ہر مضمون میں 80 نمبر پبلک امتحان اور 20 نمبر داخلی اسسمنٹ کے ہوتے ہیں، اس طرح ہر مضمون کے 100 نمبر اور کل 600 نمبر ہوتے ہیں۔ گریڈنگ سسٹم کو ختم کر دیا گیا ہے اور اب نتائج نمبروں کی بنیاد پر جاری کیے جائیں گے، جن میں فرسٹ، سیکنڈ اور تھرڈ کلاس کے ساتھ کامیاب/ناکام کا ذکر ہوگا۔
حکومت نے تصدیق کی ہے کہ 2025-26 سے بھی 80:20 کا تناسب برقرار رہے گا اور داخلی نمبروں کو طالب علم کی تعلیمی کارکردگی کا حصہ مانا جائے گا۔ حکام کا کہنا ہے کہ اس نظرثانی کا مقصد اسٹیک ہولڈرز کو داخلی نمبروں کے خاتمے سے پہلے زیادہ وقت فراہم کرنا ہے تاکہ وہ اس تبدیلی کے لیے تیار ہو سکیں۔
