حیدرآباد: وزیراعظم نریندر مودی نے جمعہ کے روز ملک کے 79ویں یوم آزادی کے موقع پر مبارکباد پیش کرتے ہوئے شہریوں پر زور دیا کہ وہ آزادی کے متوالوں کے خواب کے مطابق ایک Viksit Bharatکی تعمیر کے لیے مسلسل محنت کریں۔
سماجی رابطے کے پلیٹ فارم ایکس پر اپنے پیغام میں وزیراعظم مودی نے کہا کہ تمام شہریوں کو یوم آزادی کی دلی مبارکباد پیش کرتا ہوں۔ یہ دن ہمیں ترغیب دے کہ ہم آزادی کے متوالوں کے خواب کو شرمندۂ تعبیر کرنے اور وکست بھارت کی تعمیر کے لیے مزید محنت کریں۔ جے ہند۔
وفاقی وزیر داخلہ امیت شاہ نے اپنے پیغام میں قوم کو مبارکباد دیتے ہوئے ان تمام جانبازوں کو خراج عقیدت پیش کیا جنہوں نے ہندوستان کی آزادی کے لیے سب کچھ قربان کردیا۔ انہوں نے مزید کہا کہ میں ان بہادر سپاہیوں کو بھی سلام پیش کرتا ہوں جو ملک کی وحدت، سالمیت اور وقار کے لیے انتھک محنت کرتے ہیں۔ شہریوں کو چاہیے کہ متحد ہو کر ملک کو خود کفیل اور ہر شعبے میں مثالی بنائیں۔
وزیر خارجہ ایس جے شنکر نے قوم کو دلی مبارکباد دی جبکہ وزیر دفاع راج ناتھ سنگھ نے اس دن کو ان مجاہدین کی شجاعت، قربانی اور اعلیٰ ترین ایثار کی مقدس یاد قرار دیا جنہوں نے آزادی دلائی۔ انہوں نے عوام سے کہا کہ ان اعلیٰ اقدار سے حوصلہ لے کر ایک محفوظ اور خوشحال وکست بھارت کی تعمیر کریں۔
بی جے پی کے صدر اور وفاقی وزیر صحت جے پی نڈا نے انقلابیوں اور آزادی کے متوالوں کی قربانیوں کو خراج تحسین پیش کرتے ہوئے کہا کہ وزیراعظم مودی کی قیادت میں نیا ہندوستان نئی توانائی، اعتماد اور فخر کے ساتھ تیزی سے ترقی کر رہا ہے۔ انہوں نے عزم ظاہر کیا کہ ہم سب مل کر ایک خود کفیل اور ترقی یافتہ ملک بنائیں گے۔
کانگریس جنرل سکریٹری پرینکا گاندھی نے جمہوریت، انصاف، مساوات اور اتحاد کی آئینی قدروں پر زور دیا۔ انہوں نے کہا کہ بے شمار ہیروز کی قربانیوں نے ہندوستان کو خوشحال جمہوریت عطا کی ہے اور ہم عہد کرتے ہیں کہ آئین اور اس کے اصولوں کا تحفظ کریں گے۔
Wishing everyone a very happy Independence Day. May this day inspire us to keep working even harder to realise the dreams of our freedom fighters and build a Viksit Bharat. Jai Hind!
— Narendra Modi (@narendramodi) August 15, 2025
About the Author
