حیدرآباد: تلنگانہ کے وزیر صنعت و آئی ٹی ڈی شریدھر بابو نے جمعرات کے روز امریکی قونصل جنرل Jennifer Larsonکو ان کے دورۂ حیدرآباد کے اختتام پر باضابطہ طور پر الوداع کہا۔
حیدرآباد میں منعقدہ اس وداعی تقریب میں وزیر موصوف نے جینیفر لارسن کے کردار کو سراہتے ہوئے کہا کہ ان کے دور میں ہند-امریکہ تعلقات کو نئی توانائی ملی اور تلنگانہ نے امریکی اداروں کے ساتھ تعاون میں خاطر خواہ پیش رفت کی۔
شریدھر بابو نے کہا کہ لارسن نے نہ صرف سفارتی سطح پر بلکہ ادارہ جاتی روابط کے ذریعے بھی تلنگانہ کی ترقیاتی پالیسیوں کو تقویت دی۔ انہوں نے کہا کہ ان کے دور میں کئی بامعنی شراکت داریاں وجود میں آئیں جنہوں نے مشترکہ اقدار اور ترقیاتی مقاصد کو آگے بڑھایا۔
انہوں نے مزید کہا کہ یہ وداعی تقریب محض رسمی نہیں بلکہ دونوں ممالک کے درمیان پائیدار دوستی کا جشن ہے۔ وزیر نے اس یقین کا اظہار کیا کہ جینیفر لارسن کے بعد بھی ہند-امریکہ تعلقات اور تلنگانہ کے ساتھ تعاون کا سلسلہ مزید مضبوط ہوگا۔
جینیفر لارسن نے اپنی تعیناتی کے دوران نہ صرف حیدرآباد بلکہ ریاست بھر میں مختلف تعلیمی، تجارتی اور ثقافتی مواقع کو فروغ دیا، جس کے باعث دونوں خطوں کے درمیان تعلقات کو نئی جہت ملی۔
Bidding farewell to U.S. Consul General Ms. Jennifer Larson @USCGHyderabad was a moment of both gratitude and reflection. Her tenure in Hyderabad was marked by a genuine commitment to strengthening Indo-U.S. ties, especially in areas that matter deeply to Telangana, like… pic.twitter.com/RcleP5VWRK
— Sridhar Babu Duddilla (@OffDSB) July 31, 2025
About the Author
