حیدرآباد: تلنگانہ میں فون ٹیپنگ کے معاملے Phone Tapping Caseکی تحقیقات کر رہی اسپیشل انویسٹی گیشن ٹیم نے مرکزی وزیر بنڈی سنجے کو نوٹس جاری کرتے ہوئے 24 جولائی کو لیک ویو گیسٹ ہاؤس میں پیش ہونے کی ہدایت دی ہے۔
اس کیس میں اب تک کئی سیاسی قائدین اپنے فون غیر قانونی طور پر ٹیپ کیے جانے کی شکایت درج کرا چکے ہیں، جن کے بیانات ایس آئی ٹی کی جانب سے قلمبند کیے جا رہے ہیں۔ درجنوں شکایت کنندگان کو نوٹس جاری کیے جا چکے ہیں تاکہ ان کے بیانات کو سرکاری طور پر ریکارڈ میں شامل کیا جا سکے۔
بنڈی سنجے کو بھیجا گیا تازہ ترین نوٹس اس تحقیقات میں ایک اہم پیش رفت کے طور پر دیکھا جا رہا ہے، جو بتدریج وسعت اختیار کرتی جا رہی ہے۔ تاحال یہ واضح نہیں ہو سکا ہے کہ وہ مقررہ تاریخ پر پیش ہوں گے یا مزید مہلت کی درخواست دیں گے۔
About the Author
