حیدرآباد: وزیراعلیٰ اے ریوَنت ریڈی نے پیر کے روز عہدیداروں کو ہدایت دی کہ ریاست بھر میں LED Streetlights کی سخت نگرانی کی جائے۔ انہوں نے کہا کہ تمام دیہات میں مطلوبہ لائٹس نصب کی جائیں اور ان کی دیکھ بھال کی ذمہ داری سرپنچوں کے سپرد ہو۔
وزیراعلیٰ نے انٹیگریٹڈ کمانڈ کنٹرول سینٹر میں پنچایت راج، میونسپل اور جی ایچ ایم سی محکموں کے ساتھ جائزہ اجلاس منعقد کیا۔ انہوں نے ہدایت دی کہ ہر کھمبے کا سروے کیا جائے، موجودہ لائٹس کا معائنہ ہو اور اضافی ضرورت کا حساب لگایا جائے۔
ریوَنت ریڈی نے کہا کہ اسٹریٹ لائٹس رات کے وقت لازماً جلنی چاہئیں لیکن دن میں بند رہیں۔ انہوں نے واضح کیا کہ منڈل سطح پر ایم پی ڈی اوز ڈیش بورڈ کی نگرانی کریں جبکہ ڈسٹرکٹ سطح پر ایڈیشنل کلیکٹرز اس عمل کی دیکھ بھال کریں۔
نگرانی اور دیکھ بھال کا نیا نظام
عہدیداروں نے وزیراعلیٰ کو بتایا کہ تلنگانہ میں فی الحال 16.16 لاکھ ایل ای ڈی لائٹس ہیں، جن میں چار اضلاع میں خانگی ایجنسیاں معاہدوں کے تحت دیکھ بھال کر رہی ہیں۔ ریوَنت ریڈی نے کہا کہ اگر ان کا کنٹرول سرپنچوں کو دیا جائے تو نگہداشت بہتر ہوگی اور بے جا استعمال کم ہوگا۔
انہوں نے حکم دیا کہ تمام اسٹریٹ لائٹس کو حیدرآباد کمانڈ کنٹرول سینٹر سے منسلک کیا جائے۔ جی ایچ ایم سی فی الحال 5.5 لاکھ لائٹس کی دیکھ بھال کرتا ہے جبکہ شہر کو کل 7.5 لاکھ لائٹس کی ضرورت ہے۔ انہوں نے کہا کہ نئے ٹینڈرز میں شہری علاقوں، نئی میونسپلٹیز اور توسیعی دیہات کو بھی شامل کیا جائے۔
اخراجات اور متبادل توانائی
وزیراعلیٰ نے مزید کہا کہ معتبر کمپنیوں کو سات سالہ معاہدوں کے تحت لائٹس کی فراہمی اور دیکھ بھال سونپی جائے۔ سخت ٹینڈر شرائط اور پرفارمنس ٹریکنگ نظام ہونا چاہئے، جس میں آئی آئی ٹی حیدرآباد جیسے اداروں کے ذریعے تھرڈ پارٹی آڈٹ بھی شامل ہو۔
ریوَنت ریڈی نے متعلقہ محکموں کو ہدایت دی کہ سورج کی روشنی سے توانائی پیدا کرنے کے امکانات کا مطالعہ کریں، کیونکہ جی ایچ ایم سی اس وقت LED Streetlights کی بجلی پر ہر ماہ تقریباً 8 کروڑ روپئے خرچ کرتا ہے۔
اس اجلاس میں وزیراعلیٰ کے مشیر ویم نارینڈر ریڈی کے علاوہ پنچایت راج، بلدیہ اور جی ایچ ایم سی کے اعلیٰ عہدیدار شریک ہوئے۔
రాష్ట్ర మంతా ఎల్ఈడీ వీధి దీపాలపై పక్కాగా పర్యవేక్షణ ఉండాలని ముఖ్యమంత్రి శ్రీ @revanth_anumula గారు అధికారులను ఆదేశించారు. అన్ని గ్రామాల్లో వీధి దీపాల ఏర్పాటు, వాటి నిర్వహణ బాధ్యతలను సర్పంచులకే అప్పగించాలని చెప్పారు. గ్రామాల్లో అవసరమైనన్ని కొత్త ఎల్ఈడీ లైట్లను అమర్చటంతో పాటు… pic.twitter.com/8gqgPeNam6
— IPRDepartment (@IPRTelangana) September 15, 2025
About the Author
