حیدرآباد: تلنگانہ پردیش کانگریس کمیٹی (ٹی پی سی سی) کے صدر و رکن قانون ساز کونسل مہیش کمار گوڑ [en]TPCC Chief Hails[/en]نے ہفتہ کے روز آل انڈیا کانگریس کمیٹی کے صدر ملیکارجن کھڑگے کے ایل بی اسٹیڈیم میں منعقدہ عوامی جلسے کو شاندار کامیابی بنانے پر پارٹی کارکنوں اور قائدین کا تہہ دل سے شکریہ ادا کیا۔
انہوں نے اپنے بیان میں کہا کہ ’سماجک نیائے سماربھیری‘ پروگرام کی کامیابی پارٹی کے زمینی سطح کے کارکنوں سے لے کر سینئر ریاستی قائدین تک کی مسلسل محنت کا نتیجہ ہے۔
مہیش کمار گوڑ نے صدر اے آئی سی سی ملیکارجن کھڑگے، جنرل سکریٹری کے سی وینوگوپال، چیف منسٹر ریونت ریڈی اور دیگر معزز مہمانوں کا شکریہ ادا کیا کہ وہ جلسے کے علاوہ پی اے سی اور ایگزیکٹیو میٹنگس میں شرکت کے لیے دو دن تک تلنگانہ میں موجود رہے، جس سے پارٹی کو نئی توانائی ملی۔
انہوں نے تلنگانہ کانگریس انچارج میناکشی نٹراجن، نائب وزیر اعلیٰ ملو بھٹی وکرامارکا، اے آئی سی سی سکریٹری وشواناتھن، وزراء اور پارٹی عہدیداروں کا بھی خصوصی شکریہ ادا کیا جنہوں نے پروگرام میں حصہ لیا اور ہر ممکن تعاون فراہم کیا۔
ٹی پی سی سی صدر نے منڈل صدور، بلاک لیڈروں، ضلع کانگریس کمیٹی کے صدور، ارکان اسمبلی و قانون ساز کونسل، حلقہ انچارج، ٹی پی سی سی کے نائب صدور اور جنرل سکریٹریز کی کاوشوں کو سراہا جنہوں نے جلسے کی کامیاب اور منظم انجام دہی کو یقینی بنایا۔
مہیش گوڑ نے ان افراد کی بھی ستائش کی جنہوں نے انتظامات کی نگرانی اور ہم آہنگی میں کلیدی کردار ادا کیا اور جلسے کے ہر پہلو کو خوش اسلوبی سے مکمل کرایا۔
