حیدرآباد: تلنگانہ کے گورنر جشنو دیو ورما نے جمعرات کے روز سابق وزیر اعظم اٹل بہاری واجپائی کی یومِ پیدائش کے موقع پر انہیں خراجِ عقیدت پیش کیا۔ اس موقع کو ریاست میں اچھی حکمرانی Good Governance کے دن کے طور پر بھی منایا گیا۔
گورنر نے واجپائی پارک میں منعقدہ تقریب میں شرکت کی، جہاں انہوں نے واجپائی کے مجسمے پر گلپوشی کی۔ بعد ازاں انہوں نے لوک بھون میں واجپائی کی تصویر پر بھی پھول نچھاور کیے۔
اس موقع پر خطاب کرتے ہوئے جشنو دیو ورما نے کہا کہ واجپائی کی خدمات قوم کے لیے ناقابلِ فراموش ہیں۔ انہوں نے واجپائی کو دور اندیش رہنما، جمہوریت کے مضبوط علمبردار اور پارلیمان میں ایک توانا آواز قرار دیا۔
گورنر کے مطابق اٹل بہاری واجپائی نے اصولی طرزِ حکمرانی Good Governance اور ہمہ گیر قیادت کے ذریعے بھارت کی جمہوری بنیادوں کو مضبوط کیا۔ انہوں نے قومی یکجہتی کو فروغ دیا اور سیاست میں شرافت و وقار کی مثال قائم کی۔
انہوں نے کہا کہ اچھی حکمرانی کا دن منانے کا مقصد واجپائی کے نظریات کو یاد رکھنا اور عوامی خدمت، شفافیت اور جواب دہی کو ترجیح دینا ہے۔
