حیدرآباد: وزیر اعظم نریندر مودی نے آندھرا پردیش کے کرنول ضلع کے قریب چنا ٹیکور میں پیش آئے خوفناک بس حادثے پر گہرے دکھ اور افسوس کا اظہار کیا ہے۔ جمعہ کی صبح حیدرآباد سے بنگلور جانے والی نجی ٹریولز بس میں آگ لگنے سے 20 سے زائد مسافر جاں بحق ہو گئے تھے۔
مودی نے متاثرہ خاندانوں سے دلی ہمدردی کا اظہار کرتے ہوئے زخمیوں کی جلد صحت یابی کی دعا کی۔ انہوں نے اس واقعے کو ’’انتہائی دلخراش اور افسوسناک‘‘ قرار دیا۔
جاں بحق اور زخمیوں کے لیے مالی امداد کا اعلان | PM Modi Condolence
وزیر اعظم نے اعلان کیا کہ حادثے میں جاں بحق ہونے والے ہر شخص کے خاندان کو 2 لاکھ روپئے ایکس گریشیا امداد فراہم کی جائے گی، جبکہ زخمیوں کو 50 ہزار روپئے دیے جائیں گے۔
انہوں نے حکام کو ہدایت دی کہ متاثرہ خاندانوں تک امداد فوری پہنچائی جائے اور زخمیوں کے علاج میں کسی قسم کی کوتاہی نہ برتی جائے۔
ڈی این اے ٹیسٹنگ کے ذریعے شناخت، موقع پر پوسٹ مارٹم | PM Modi Condolence
افسران کے مطابق جائے حادثہ پر ہی فورنسک ٹیمیں تعینات کی گئی ہیں جو پوسٹ مارٹم کر رہی ہیں۔ حکام نے بتایا کہ لاشوں کی شناخت کے لیے ڈی این اے ٹیسٹنگ کی جا رہی ہے تاکہ انہیں اہل خانہ کے حوالے کیا جا سکے۔
ریاستی اور مرکزی حکومتیں مشترکہ طور پر حادثے کی تفصیلی رپورٹ تیار کر رہی ہیں۔
About the Author
