حیدرآباد: معین آباد کے قریب ایک فارم ہاؤس میں ہفتہ کی رات منشیات سے لبریز سالگرہ کی Hyderabad drug partyپر ایکسائز حکام نے چھاپہ مارا، جس کے دوران 6 آئی ٹی پروفیشنلز کو نشہ آور اشیاء رکھنے اور استعمال کرنے کے الزام میں گرفتار کر لیا گیا۔
یہ کارروائی 2 اگست کی نصف شب ایکسائز ٹاسک فورس نے خفیہ اطلاع کی بنیاد پر انجام دی، جس میں بتایا گیا تھا کہ چند ٹیکنالوجی کمپنیوں سے وابستہ نوجوان اپنے دوست کی سالگرہ منانے کے لیے فارم ہاؤس میں منشیات پارٹی کا اہتمام کر رہے ہیں۔
چھاپے کے دوران ٹیم کو ایل ایس ڈی کے پیپر، ہیش آئل، اور متعدد شراب کی بوتلیں برآمد ہوئیں۔ حکام کے مطابق ان منشیات کو ہماچل پردیش سے حاصل کیا گیا تھا اور پارٹی کے لیے حیدرآباد لایا گیا تھا۔
گرفتار ملزمان کی ملکیت میں موجود تین لگژری گاڑیاں بھی ضبط کر لی گئیں۔ ان کے خلاف منشیات کی روک تھام سے متعلق نارکوٹکس ڈرگز اینڈ سائیکو ٹراپک سبسٹینسز (این ڈی پی ایس) ایکٹ کی متعلقہ دفعات کے تحت مقدمہ درج کر لیا گیا ہے۔
اے جے پی ایم راؤ کی قیادت میں ٹیم نے تحقیقات کا دائرہ وسیع کر دیا ہے تاکہ منشیات کی ترسیل کے راستوں اور دیگر ممکنہ ملوث افراد کا پتہ لگایا جا سکے۔
About the Author
