حیدرآباد: راجیو کاریڈور پر سلطان آباد کے قریب شاستری نگر میں جمعہ کے روز ایک المناک سڑک حادثے میں Lorry Driver Killedجبکہ دو صفائی کارکن شدید زخمی ہو گئے۔
یہ حادثہ اس وقت پیش آیا جب ایک لاری اور کنٹینر ٹرک مخالف سمتوں سے آتے ہوئے آپس میں ٹکرا گئے۔ تصادم اتنا شدید تھا کہ دونوں گاڑیوں کے اگلے حصے مکمل طور پر تباہ ہو گئے۔ لاری ڈرائیور موقع پر ہی جاں بحق ہو گیا۔
حادثے کے بعد دونوں صفائی کارکن گاڑیوں کے پچکے ہوئے کیبن میں پھنس گئے۔ پولیس فوری طور پر جائے وقوعہ پر پہنچی، بچاؤ کارروائی انجام دی اور زخمیوں کو قریبی اسپتال منتقل کیا۔
پولیس نے مقدمہ درج کرتے ہوئے تحقیقات شروع کر دی ہیں۔
