حیدرآباد: تلنگانہ اوورسیز مین پاور کمپنی لمیٹڈ (TOMCOM) نے جاپان میں تلنگانہ سے تعلق رکھنے والے اہل انجینئروں کیلئے بیرونی ملازمتوںTOMCOM Overseas Jobs کا اعلان کیا ہے۔ ان ملازمتوں میں آٹوموٹیو، مکینیکل، اور آئی ٹی/کمپیوٹر سائنس کے شعبے شامل ہیں۔
ٹامکام، جو محکمہ محنت، تربیت و فیکٹریز کے تحت ریاستی سطح کی روزگار ایجنسی ہے، ہنر مند اور نیم ہنر مند امیدواروں کو بیرونی ممالک میں روزگار فراہم کر رہی ہے۔
درخواست گزاروں کے پاس متعلقہ مضمون میں بیچلر ڈگری ہونا ضروری ہے، جیسا کہ آٹوموٹیو، مکینیکل یا کمپیوٹر سائنس/آئی ٹی، اور کم از کم دو سال کا مستند تجربہ درکار ہے۔ عمر کی حد 22 سے 40 سال مقرر کی گئی ہے، اور امیدواروں کو انگریزی میں مؤثر رابطہ کی صلاحیت ہونی چاہیے۔
دلچسپی رکھنے والے اہل امیدواروں سے کہا گیا ہے کہ وہ اپنا تازہ ترین ریزیومے [tomcom.resume@gmail.com](mailto:tomcom.resume@gmail.com) پر روانہ کریں۔
مزید معلومات کے لیے ٹامکام سے ان نمبروں پر رابطہ کیا جا سکتا ہے: 9440048590، 9440052592، یا 9440051452۔
About the Author
