حیدرآباد: تلنگانہ کے وزیر اعلیٰ [en]Zaheerabad Smart City[/en] ریونت ریڈی نے منگل کے روز دہلی میں مرکزی وزیر تجارت و صنعت پیوش گوئل سے ملاقات کرتے ہوئے ظہیرآباد انڈسٹریل اسمارٹ سٹی (ZISC) کی ترقی کے لیے 596.61 کروڑ روپئے فوری طور پر جاری کرنے کی اپیل کی۔
یہ ملاقات ادیوگ بھون میں منعقد ہوئی، جہاں ریونت ریڈی نے نیشنل انڈسٹریل کاریڈور ڈیولپمنٹ اینڈ امپلیمین ٹیشن ٹرسٹ (NICDIT) کے تحت ZISC کے لیے بنیادی ڈھانچے کی فراہمی، بشمول پانی اور بجلی کی سہولیات کے لیے مرکز سے مالی امداد کی درخواست کی۔
وزیر اعلیٰ نے پیوش گوئل سے ورنگل ایئرپورٹ کے لیے بھی فنڈز مختص کرنے کا مطالبہ کیا، جسے حیدرآباد–ورنگل انڈسٹریل کاریڈور کا حصہ بنایا جا رہا ہے۔ انہوں نے بتایا کہ حیدرآباد–وجئے واڑہ کاریڈور کے لیے فیزیبلٹی اسٹڈیز جاری ہیں۔
ریونت ریڈی نے ریاست میں دفاعی شعبے کی ترقی کو اجاگر کرتے ہوئے کہا کہ حکومت تلنگانہ نے عدی بتلہ میں ایک مخصوص ایرو اسپیس و ڈیفنس پارک قائم کیا ہے۔ انہوں نے مطالبہ کیا کہ حیدرآباد–بنگلورو انڈسٹریل کاریڈور کو ایرو ڈیفنس کاریڈور کے طور پر تسلیم کیا جائے۔
ریونت ریڈی نے مزید تجویز دی کہ ریاست بھر میں 100 پلگ اینڈ پلے انڈسٹریل پارکس قائم کیے جائیں اور مرکز ان سرمایہ کاری کے لیے تیار زونز میں بھرپور تعاون فراہم کرے۔
اس ملاقات میں ریاستی مشیر اے پی جتندر ریڈی، ارکان پارلیمان ڈاکٹر ملو روی، چمل کرن کمار ریڈی اور دیگر سینئر عہدیدار بھی موجود تھے۔
జహీరాబాద్ ఇండస్ట్రియల్ స్మార్ట్ సిటీ (#ZISC) అభివృద్ధికి సహకరించాలని కేంద్ర వాణిజ్య, పరిశ్రమల శాఖ మంత్రి శ్రీ @PiyushGoyal గారిని ముఖ్యమంత్రి శ్రీ @revanth_anumula గారు విజ్ఞప్తి చేశారు. ఢిల్లీలోని వాణిజ్య భవన్లో పీయూష్ గోయల్ గారితో ముఖ్యమంత్రి గారు సమావేశమై… pic.twitter.com/Q3X6OJ5CXh
— Telangana CMO (@TelanganaCMO) July 8, 2025
