حیدرآباد: متحدہ آندھرا پردیش کے سابق وزیر اعلیٰ [en]Y S Rajasekhara Reddy[/en] کی یومِ پیدائش کے موقع پر کانگریس قائدین منگل کے روز مختلف مقامات پر خراج عقیدت پیش کریں گے۔ پارٹی عہدیداروں نے اتوار کو اطلاع دی کہ صبح 10:30 بجے پنجہ گوٹہ میں واقع ان کے مجسمے پر گلدستے چڑھائے جائیں گے۔
اس موقع پر تلنگانہ پردیش کانگریس کمیٹی کے صدر و ایم ایل سی مہیش کمار گوڑ، سابق چیف منسٹر پڈوچیری وی نارائن سامی، ریاستی وزراء، ارکان پارلیمنٹ، ارکان اسمبلی، ایم ایل سیز اور دیگر سینئر کانگریس قائدین کی شرکت متوقع ہے۔
بعد ازاں، صبح 11 بجے گاندھی بھون میں ایک علیحدہ تقریب میں ڈاکٹر وائی ایس آر کی تصویر پر بھی پھول چڑھائے جائیں گے۔
تلنگانہ پردیش کانگریس کمیٹی نے تمام کارکنوں اور قائدین سے اپیل کی ہے کہ وہ بڑی تعداد میں شریک ہو کر مرحوم قائد کے نظریات اور خدمات کو خراج تحسین پیش کریں۔
