حیدرآباد: شہر کے مضافاتی علاقہ عبداللہ پور میٹ کے قریب انام گوڑہ میں اتوار کی شام ایک تیز رفتار کنٹینر لاری کی ٹکر سے ایک شخص ہلاک اور اس کے خاندان کے تین افراد زخمی ہو گئے۔ یہ [en]Lorry Accident[/en] اس وقت پیش آیا جب خاندان سڑک پار کر رہا تھا۔
مہلوک کی شناخت 48 سالہ سرینواس کے طور پر کی گئی ہے، جبکہ اس کی اہلیہ لکشمی (45 سال) اور ان کے دو بچے راجیشوری (19 سال) اور رام بابو (17 سال) زخمی ہو گئے۔
سرینواس کو شدید چوٹیں آئیں اور وہ موقع پر ہی دم توڑ گیا۔ دیگر افراد کو معمولی چوٹیں آئیں اور پولیس نے انہیں فوری طور پر قریبی اسپتال منتقل کیا۔
پولیس نے سرینواس کی لاش کو پوسٹ مارٹم کے لیے مردہ خانہ منتقل کر دیا ہے۔ مقامی پولیس نے مقدمہ درج کرتے ہوئے واقعہ کی تحقیقات کا آغاز کر دیا ہے۔
