حیدرآباد: [en]Amrabad Tiger Reserve[/en] کو نیشنل ٹائیگر کنزرویشن اتھارٹی کی ہدایات کے مطابق 30 ستمبر تک عارضی طور پر سیاحوں کیلئے بند کر دیا گیا ہے، جنگلاتی عہدیداروں نے منگل کے روز اس بات کا اعلان کیا۔
محکمہ جنگلات کے مطابق، مانسون کے دوران نہ صرف سیاحوں بلکہ فاریسٹ عملے کے لیے بھی سلامتی کا خطرہ رہتا ہے۔ اس کے علاوہ یہ عرصہ جنگلی حیات، خاص طور پر شیروں کی افزائشِ نسل کے لیے نہایت اہم سمجھا جاتا ہے۔
عہدیداروں نے کہا کہ کور زونز تک عوامی رسائی محدود کرنے سے شیروں کو محفوظ ماحول میں افزائش کا موقع ملے گا، جو پائیدار جنگلاتی نظام کیلئے ضروری ہے۔
اس عرصے میں جنگلاتی بنیادی ڈھانچے کی مرمت اور اگلے سیاحتی سیزن کی تیاری بھی کی جائے گی۔
متعلقہ حکام کے مطابق، امرآباد ٹائیگر ریزرو یکم اکتوبر سے دوبارہ سیاحوں کے لیے کھول دیا جائے گا۔ عوام سے اپیل کی گئی ہے کہ وہ اس بندش کا احترام کریں اور جنگلی حیات کے تحفظ میں تعاون کریں۔
