حیدرآباد:ایس آر نگر، امیر پیٹ میں واقع ایک نجی بینک کے اے ٹی ایم میں جعلی کرنسی جمع کروانے کا معاملہ سامنے آیا ہے، پولیس نے بتایا کہ ایک نامعلوم شخص نے [en]Fake Currency[/en] کی مد میں 5,000 روپئے جمع کروائے۔
بینک کے عملے شروَن کمار اور سائی کمار گوڑ نے معمول کے مطابق جب اے ٹی ایم سے نقدی اکٹھا کرنے کے لیے مشین کھولی تو انہیں 500 روپئے کے کئی جعلی نوٹ ملے۔ انہوں نے فوری طور پر اپنے اعلیٰ افسران کو اطلاع دی اور پولیس کو بھی مطلع کیا۔
تحقیقات کے دوران پولیس نے اے ٹی ایم کے سی سی ٹی وی فوٹیج کا جائزہ لیا جس میں ایک نامعلوم شخص کو صارف کے طور پر مشین میں رقم جمع کرتے ہوئے دیکھا گیا۔ شبہ ہے کہ اسی شخص نے جعلی نوٹ داخل کیے۔
بینک منیجر کی شکایت پر ایس آر نگر پولیس نے مقدمہ درج کرتے ہوئے تحقیقات کا آغاز کردیا ہے۔ پولیس اہلکار ویڈیو فوٹیج کی مدد سے ملزم کی شناخت اور گرفتاری کی کوشش کر رہے ہیں۔
